Ամերիկացի ձեռնարկատեր և գործարար Իլոն Մասկը ցանկանում է գնել Twitter Inc. ընկերությունը, որին էլ պատկանում է համանուն սոցիալական ցանցը։
Մասկն այսպիսով ցանկանում է ձեռք բերել «Թվիթերի» բոլոր բաժնետոմսերը՝ յուրաքանչյուրի դիմաց վճարելով 54,2 դոլար։ Նա արդեն հայտ է ներկայացրել ԱՄՆ արժեթղթերի հանձնաժողով։
«Թվիթեր» ընկերության արժեթղթերը նախնական աճուրդում թանկացել են 13 տոկոսով։
Մասկն ընկերության ընդհանուր արժեքը 43,4 միլիարդ դոլար է գնահատել ու իր հայտում նշել է, որ ներկայացնում է լավագույն առաջարկը, այն վերջնական է։
«Եթե այն չընդունվի, ես ստիպված կլինեմ վերանայել բաժնետիրոջ իմ կարգավիճակը»,- հայտարարել է նա։
Նշենք, որ վերջերս Իլոն Մասկը գաղտնազերծել էր, որ «Թվիթեր» սոցիալական ցանցի 9,2 տոկոս բաժնետոմսերն իրեն են պատկանում։
