Նիկոլ Փաշինյանը Ազգային ժողովում ներկայացնում է 2021 թվականի կառավարության ծրագրի կատարման ընթաթացքն ու արդյունքները։
Նա նշեց, որ 2021 թվականը ետպատերազմական առաջին տարին էր, ու տարվա ընթացքում ունեցել են լրջագույն ձախողումներ և լրջագույն ձեռքբերումներ։ Փաշինյանն ասաց, որ կխոսի ձեռքբերումների, ձախողումների մասին։
«Բայց ոչ միայն դրանք արձանագրելու, այլև Ազգային ժողովի բարձր ամբիոնում գտնվելու պատեհությունն օգտագործելով՝ երկրի բարձրագույն օրենսդիր իշխանության, այսպիսով նաև հանրության առաջ ինքնախոստովանություններ անելու, տեղի ունեցած պատերազմի և պարտության պատճառահետևանքային կապերը լուսաբանելու և հնարավոր լուծումների մասին խոսակցություն հարուցելու համար»,- ասաց Նիկոլ Փաշինյանը։
