ArenaNews.am կայքի ավանդական շարքում այս անգամ բլիցել է ՊՆ հատուկ նշանակության ջոկատի «Մարտական խաչ» 2-րդ աստիճանի շքանշանակիր, կրտսեր սերժանտ Ռազմիկ Գասպարյանը:
Ռազմիկը 2016 թվականի, ապրիլյան պատերազմի օրերին՝ մարտական գործողությունների ընթացքում, հակառակորդի հետ միանձնյա մարտի է բռնվել՝ մոտավորոպես 70 հոգանոց ադրբեջանական դիվերսիոն խմբի հետ:
–Եվ այսպես, Ռազմիկ, սկսեցինք
Առավոտը սկսում եք…
-Մեկ գավաթ թեյով:
-Եթե Ձեզ հարցնենք, թե որն է եղել Ձեր կյանքի ամենահիշվող շրջանը, պատասխանը կլինի…
-2016 թվականի ապրիլի 2-ը։
–Առաջին քայլը, որը կանեք միլիոնատեր դառնալուց հետո:
-Ադրբեջան անունով մի պետություն կա, դա կգնեի։
–Ձեզ զայրացած չենք պատկերացնում, ճի՞շտ ենք անում։
-Ճիշտ եք անում)))
–Խորհուրդներ տվողի՞, թե՞ լսողի դերում եք լինում առավել հաճախ։–
-Հիմնականում խորհուրդ տվողի։
–Ձեր կյանքի ո՞ր դրվագից կարելի է ֆիլմ ստանալ:
-Քառօրյա պատերազմի օրերից։
–Ինչի՞ց կարելի է հայտնվել 7-րդ երկնքում:
-Երեխա ունենալուց, բայց հետո երկնքից իջնել ու երեխային խնամել է պետք))
–Ձեր հասցեին հնչած ամենատարօրինակ հաճոյախոսությունը:
-Անկեղծ ասած՝ այս պահին դժվարանում եմ հիշել։
–Ուտեստ, որի առկայության դեպքում կլքեք սեղանը:
-Զարմանալի կթվա, բայց տուշոնկա։
-Ճիշտ խոսող մարդը կյանքում ի՞նչ դժվարությունների է բախվում։
-Այդ հարցի պատասխանը միանշանակ չէ՝ ծայրահեղությունից ծայրահեղության։
–Քանի՞ գավաթ սուրճ եք խմում մեկ օրվա ընթացքում:
-Սուրճ ընդհանրապես չեմ խմում։
–Բառ, որն ամենից հաճախ եք օգտագործում:
-Իրավիճակ (բայց ոչ՝ իրավիճակ է փոխվել)
–Քանի՞ տոկոս է Ձեզ հետաքրքրում երկրի քաղաքական անցուդարձը:
-0%
–Եթե կարողանայիք:
-Ժամանակը հետ կտայի։
– Եվ վերջում՝ մի հարց, որ Դուք էլ մեզ կտաք:
-Ի՞նչ է հայրենիքը:
-Էն, ինչը բառերով ձևակերպելիս, վախենամ թե կարժեզրկենք (հեղ.):
