Ամերիկացի գիտնականները ամփոփել են խոսակցության ժամանակ SARS-CoV-2-ով վարակվելու հետ կապված հետազոտությունների արդյունքները: Դրանք հրապարակվել են Aerosol Science և Technology ամսագրերում, հայտնում է РИА Новости-ն:
Երբ մարդը խոսում է, նա իր շուրջը տարածում է աերոզոլային խառնուրդ, որը բաղկացած է շնչառական մասնիկներից՝ մոտ մեկ միկրոն տրամագծով: Այս մասնիկներն անզեն աչքով տեսանելի չեն, բայց կարող են հեշտությամբ կրել վիրուսներ, ներառյալ SARS-CoV-2: Այսօր արդեն պարզ է, որ նոր կորոնավիրուսը տարածվում է հիմնականում վարակված մակերեսների հետ շփման միջոցով, բայց օդակաթիլային փոխանցման ուղին նույնպես պահանջում է ավելի մանրամասն ուսումնասիրություն:
Հեղինակները նշում են, որ որքան մարդն ավելի բարձր է խոսում, ներառյալ այն մարդը, որի ախտանիշները դեռ չեն դրսևորվել, այնքան մեծ է նրա կողմից արտանետվող աերոզոլային մասնիկների քանակը: Այդ մասնիկները կարող է շնչել զրուցակիցը և այդ կերպ վարակվել:Հետազոտողները նշում են, որ SARS-CoV-2 վիրուսը կարող է մի քանի ժամ մնալ կենսունակ և վարակիչ այդպիսի աերոզոլներում: Սա կարճ ժամանակ է, բայց բավարար է շրջապատող մարդկանց վարակելու համար:Աղբյուրը՝ shantnews.am
