Բրազիլիայի հավաքականի նախկին կիսապաշտպան, լեգենդար Ռոնալդինյոն, որն անազատության մեջ էր, դուրս է եկել պարագվայական բանտից։ Այս մասին հաղորդում է Football Espana-ն։
Ըստ պարբերականի՝ Ռոնալդինյոն թեև ազատ է արձակվել բանտից, սակայն գործը դեռ ընթացքի մեջ է, և ներկայումս նա գտնվում է Ասունսյոնի հյուրանոցներից մեկում՝ տնային կալանքի տակ:
Ռոնալդինյոն մեկ ամիս է մնացել բանտում: Նրան և եղբորը՝ Ռոբերտո դե Ասիս Մորեյրային, կեղծ անձնագրերով բերման էին ենթարկել Ասունսյոնի օդանավակայանում:
Մարտի 5-ին Պարագվայի գլխավոր դատախազը բրազիլացուն ձերբակալելու հրաման էր ստորագրել, բայց հաջորդ օրը նախկին ֆուտբոլիստը գրավի դիմաց ազատ էր արձակվել: Սակայն մի քանի ժամ անց նորից բերման էր ենթարկվել:
Աղբյուրը՝ shantnews.am