ԱՆ հիվանդությունների վերահսկման և կանխարգելման ազգային կենտրոնի կողմից այսօր առավոտյան կորոնավիրուսով հիվանդների թվի վերաբերյալ հրապարկված տվյալներն ուրախացրեցին շատերին, քանի որ նախորդ օրը հրապարկված թվի ավելացում չէր եղել։ Կենտրոնը հայտարարել էր 194 հիվանդի մասին։
Փաստորեն հիվանդների թեստերն արվել էին, իսկ հետազոտությունները՝ ոչ։ Հետազոտությունները կարվեն այսօր։
Առողջապահության նախարարի մամուլի խոսնակ Ալինե Նիկողոսյանը տեղեկացրել է.
«Տեղեկացնում ենք, որ մարտի 22-ին կենսանվտանգության առանձնահատկություններից ելնելով` ՀՀ ԱՆ հիվանդությունների վերահսկման և կանխարգելման ազգային կենտրոնի լաբորատորիայում հետազոտությունները ժամանակավորապես դադարեցվել են: Իրականացվել է եզրափակիչ ախտահանում:
Վաղ առավոտից լաբորատորիան կրկին աշխատում է ողջ ներուժով և ամեն հաջորդող օրը` առավոտյան 10:00-ին կհրապարակվեն նոր տվյալներ:
Խնդրում ենք չկորցնել զգոնությունը և հետևել նախարարության բոլոր հորդորներին»։
Աղբյուրը` Panorama.am
