62-ամյա մի տղամարդը մարմնի տարբեր մասերին բազմաթիվ վնասվածքներ է ունեցել:
Երեկ՝ օգոստոսի 11-ին, Կոտայքի մարզի Նոր Գեղի գյուղից Աբովյանի հիվանդանոց է տեղափոխվել 62-ամյա մի տղամարդ։
Նրա մարմնի տարբեր մասերին, այդ թվում՝ որովայնին ու կրծքավանդակին, բազմաթիվ վնասվածքներ են եղել։
Պարզվել է, որ տղամարդն այդ օրն է ընկել հարևանի հետ վեճից հետո։
Sputnik Արմենիայիտեղեկություններով՝ վեճը սկսվել է մի անհեթեթ պատճառով և ավարտվել վրաերթով։ 71-ամյա տղամարդը նստել է իր «Նիսան» մակնիշի ավտոմեքենան ու քշել հարևանի վրա՝ նրան վրաերթի ենթարկելով։ Հարևաններն անմիջապես հավաքվել են ու տուժածին հասցրել հիվանդանոց։
Իրավապահները պարզում են դեպքի մանրամասները։
