“Ոչ հաստատում եմ, ոչ էլ հերքում եմ”,- այսօր լրագրողներին ասաց Հատուկ քննչական ծառայության պետ Սասուն Խաչատրյանը՝ անդրադառնալով հարցին, թե ճիշտ են արդյոք տեղեկությունները, որ Մարտի մեկի գործի շրջանակներում հարցաքննվել է նաև Արցախի նախագահ Բակո Սահակյանը:
Անդրադառնալով ՀՔԾ-ն լուծարելու և փոխարենն այլ մարմին ստեղծելու մասին հարցին, Սասուն Խաչատրյանն ասաց, որ արդեն հրապարակվել է Հակակոռուպցիոն ռազմավարության նախագիծը:
“Այդ նախագիծը որ կարդաք, կտեսնեք, որ նոր հակոկոռուպցիոն մարմնի ստեղծումը ենթադրում է ՀՔԾ-ի լուծարում: Բայց դա դեռևս նախագիծ է, կոնկրետ օրենք այս պահին շրջանառության մեջ դրված չկա: Կապրենք, կտեսնենք”,- ասաց նա:
Աղբյուրը՝ lragir.am
