ՀՀԿ-ական պատգամավոր Արփինե Հովհաննիսյանը հատկապես վերջին շրջանում սոցցանցերում աչքի է ընկնում նկատելի ակտիվությամբ. քաղաքական գրառումներին, որոնք մեծ մասամբ ուղղված են այսօրվա իշխանություններին, չեն զիջում նաև անձնական լուսանկարները: Պատգամավորն, ով առաջ, ըստ երևույթին, զբաղվածությամբ պայմնավորված, իրեն չէր կարողանում թույլ տալ սոցակտիվություն, այսօր արդեն ակտիվ բլոգերի կենսակերպ է վարում՝ պարտաճանաչ կերպով օրվա ընթացքում մի քանի անգամ ֆեյբուքյան story բաժնում իր ֆոտոսեսիաներով կիսվելով էջին հետևողների հետ:
