Արգիշտի Կիվիրյանը ֆեյսբուքյան իր էջում գրում է. «Երևանում ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնը բառացի հայտարարեց այն, ինչի կապակությամբ առկա էին լուրջ կասկածներ ու մտավախություններ: Բոլթոնը ասաց. «Փաստ է, որ եթե կանխատեսումները իրականան, Փաշինյանը ուժեղ մանդատ կունենա, և դա ամենալավ ժամանակն է շատ ոլորտներում վճռական քայլերի: Հաշվի առնելով, թե ինչ տպավորություն ստացա այսօր իմ հանդիպումներից այդ թվում և վերլուծաբանների հետ, Լեռնային Ղարաբաղի հակամարտության լուծումը առաջնահերթ հարց է Հայաստանի քաղաքական օրակարգում, և վճռական քայլեր ձեռնարկելու համար ամենալավ ժամանակահատվածը դեկտեմբերի ընտրություններից անմիջապես հետո է»:
Ժողովրդական լեզվով ասած՝ ԱՄՆ-ն մտածում է հետևյալ սխեմայով, որ Հայաստանում առաջին անգամ իշխանության ա եկել (գալիս) մարդ, որը վերջապես ունի հասարակության վստահության շատ մեծ մադատ, ինչը իրեն թույլ կտա Արցախյան հարցում գնալ այնպիսի ոչ պոպուլյար լուծումների, ինչից ամեն կերպ խուսափում էին նախկինները:
Նախկինում ստեղծվել էր մի վիճակ, երբ Հայաստանի իշխանությունները գերտերությունների կողմից զիջումների գնալու մերժման փաստարկներից մեկը այն էր, որ իրենք առանց այդ էլ չեն վայելում հասարակության լայն աջակցությունը, ու եթե հանդգնեն գնալ անգամ նման քայլերի, ապա դա հղի է անկատեսելի հասարակակական ընդվզմամբ:
Իսկ հիմա այդ խնդիրը չկա, քանի որ գերտերությունները նկատել են, որ ներկայիս հասարակությունը պատրաստ է ուտել Նիկոլի կողմից հրամցվող ցանկացած բան ու ըստ դրա, մտածում են որ սա ամենահարմար առիթն է, որ հասարակական աջակցությունը վայելող Հայաստանի այս իշխանություններից պոկեն այդքան սպասված զիջումները:
Դրանք հենց այն զիջումներն են, որոնց մասին հեռանալուց առաջ բաց տեքստով հայտարարեց ԱՄՆ-ի դեսպանը: Իսկ տնտեսական կոլապսի գնացողներից զիջում պոկելը այդքան էլ բարդ գործ չի՝ կգնաս լուրջ զիջման, կստանաս մի քանի միլիարդի փրկիչ վարկեր: Ու այս պարագայում ստեղծվում է մի իրավիճակ, որ Նիկոլը ինչքան շատ ձայն տանի խորհրդարանական ընտրություններում ու դառնա հասարակության միակ վեկտորը, այնքան շուտ է հայտնվելու շատ կոշտ ճնշման տակ և էլ չի կարողանալու խաղացնել այն փաստարկը, թե բա հասարակությունը ինչ կասի:
Ես բազմիցս եմ բացատրել, որ տոտալ իշխանությունը նաև նախատեսում է տոտալ միանձնյա պատասխանատվություն, իսկ երբ ունես հակակշռող ընդդիմություն, ապա դա հաճախ փրկում է պետությանը, ազգին, ու հենց նույն իշխանությունների քամակը:
Սակայն էյֆորիայով տարված Նիկոլենք հավանաբար հենց այսքանը համառորեն չեն ցանկանում ընկալել, ինչպես նաև դա չի ուզում հասկանա քաղաքականությունից բոբիկ հայ հասարակությունը, չգիտակցելով թե միաձայն քվեարկությամբ ու սուպերմանդատ տալով ինչպիսի փորձանքի մեջ կարող է գցել Արցախը, Հայաստանը ու նաև նույն Նիկոլին:Հավանաբար այստեղ է լարված այն թակարդը, հանուն որի Սերժը ոչ միայն այդքան հեշտ հանձնեց իշխանությունը, այլ գլոբալ առումով բեմադրեց այն, ինչ դուք կոչում եք «թավշյա հեղափոխություն»»…
