Նախաքննական մարմնի միջնորդությունը դատարանը բավարարել է:
Կալանավորվել է գործարար Սամվել Մայրապետյանը: Երևանի ընդհանուր իրավասության դատարանը քննում էր նրա նկատմամբ խափանման միջոց ընտրելու վերաբերյալ նախաքննական մարմնի կողմից ներկայացված միջնորդությունը:
Ինչպես Sputnik Արմենիային տեղեկացրեց գործարարի փաստաբան Կարեն Բատիկյանը` դատարանը միջնորդությունը բավարարվել է:
Մայրապետյանին մեղադրանք է առաջադրվել ՀՀ ՔՕ-ի 38-311 հոդվածով՝ կաշառքի օժանդակություն։ Իրեն առաջադրված մեղադրանքը, ինչպես Sputnik Արմենիային տեղեկացրեց փաստաբանը, Մայրապետյանը չի ընդունել։
Հիշեցնենք՝ Հատուկ քննչական ծառայությունը Սամվել Մայրապետյանին ձերբակալել էր հոկտեմբերի 6-ին:
Աղբյուրը՝ armeniasputnik.am
