Ռուսաստանի Դաշնությունը ներկայացնող հայազգի սամբիստ Արամ Գրիգորյանը, որն օրերս Հարավային Կորեայում անցկացված Աշխարհի առաջնությունում դարձել էր Աշխարհի չեմպիոն, պարզվում է՝ մարզական սամբոյի պատմության ընթացքում գրանցված ամենաերիտասարդ Աշխարհի չեմպիոնն է: 82 կգ քաշայինների եզրափակիչ գոտեմարտում Արամը հաղթել էր ուզբեկ սամբիստի:
Հիշեցնենք, որ այս քաշային կարգում Հայաստանը միակ մրցանակային տեղն էր նվաճել: Բրոնզե մեդալակիր էր դարձել Դավիթ Գրիգորյանը: Ինչ վերաբերում է Արամ Գրիգորյանին, ապա ռուսական լրատվամիջոցները հիշեցնում են, որ նա երկրի ամենահեղինակավոր մարզիկներից է, ում հետ մրցագորգի վրա անձամբ նախագահ Վլադիմիր Պուտինն է հանդիպել:
