Մխիթարյանի գոլն ու գոլային փախանցումը ապահովում են «Արսենալի» հաղթանակը

Խաղի ընթացքում զինագործների կազմում իր արդյունավետությամբ աչքի ընկավ Հենրիխ Մխիթարյանը, որի գոլային փոխանցումից ու գոլից հետո Ունայ Էմերիի թիմը երեք միավոր վաստակեց:

Մխիթարյանը  գրավելով «Սաութհեմփթոնի» դարպասը, իր խփած գոլերի թիվը Պրեմյեր լիագայի առաջնությունում հասցրեց հինգի: Հատկանշական է, որ վերջին անգամ Պրեմյեր լիգայում հայ ֆուտբոլիստը աչքի էր ընկել հենց «Սաութհեմփթոնի» հետ խաղում: 2018 թվականի դեկտեմբերի 12-ին Հենրիխի դուբլը չփրկեց «Արսենալին» պարտությունից «Սենտ Մերիս» ստադիոնում( «Արսենալը» պարտվեց այդ խաղում 2:3 հաշվով): Իսկ այս անգամ Մխիթարյանի արդյունավետությունը առաջին կեսում արդեն ապահովեց հաղթանակը մրցակցի նկատմամբ: Մրցակցի դարպասի գրավումը յուրաքանչյուր ֆուտբոլիստի վստահություն է ներշնչում: Չի բացառվում, որ այս գոլից հետո Հենրիխի արդյունավետության ցուցանիշն էլ ավելի կբարելավվի:

Վնասվածքից հետո խաղադաշտ վերադարձած հայ ֆուտբոլիստի խաղին տարբեր գնահատականներ են տալիս: Մեկին Հենրիխի խաղը դուր է գալիս, մյուսի կարծիքով նա չի արդարացնում սպասելիքները: Նախ և առաջ` պետք է հաշվի առնել, որ հայ ֆուտբոլիստը հիմա իր մարզավիճակի գագաթնակետին չի կարող լինել:

Անցյալ տարվա դեկտեմբերի 19-ին կայացած Անգլիայի լիգայի գավաթի խաղարկության «Տոտենհեմի» հետ խաղից հետո Մխիթարյանը ապաքինվում էր վնասվածքից: Ու մեկ ու կես ամիս բացակայելուց հետո դժվար է անմիջապես բարձր մակարդակի խաղ ցուցադրելը:

Ի դեպ «Արսենալը» այս հաղթանակից հետո մրցաշարային աղյուսակում շրջանցեց «Մանչեսթեր Յունայթեդին» և զբաղեցնում է չորրորդ տեղը, ինչը Չեմպիոնների լիգայի «գոտի» է համարվում: Մանկունյացիները այսօր, տուրի կենտրոնական խաղում, ոչ-ոքի՝ 0:0 ավարտեցին հանդիպումը «Լիվերպուլի» հետ:

Աղբյուրը՝ armeniasputnik.am