Իտալիայի իշխանությունները մայիսի 4-ից կսկսեն մեղմացնել սահմանափակումները։
Այս մասին հայտարարել է Իտալիայի վարչապետ Ջուզեպպե Կոնտեն ասուլիսի ժամանակ, որը հեռարձակվել է Facebook-ով։
Կպահպանվի առանց խիստ անհրաժեշության տեղաշարժման սահմանափակումը, այդ թվում շրջանների միջև։ Տոնակատարությունները բացառված են, սակայն հնարավոր կլինի մտերիմներին այցելելն ու սգո արարողություններին ներկա գտնվել․ այս դեպքերում թույլատրվում է առնվազն 15 հոգու մասնակցություն։
Քաղաքապետերի թույլտվության դեպքում այգիները կբացվեն։
Կթույլատրվեն անհատական մարզումները՝ կանխարգելիչ միջոցառումների պահպանման դեպքում։
Մայիսի 4-ից կվերսկսվի արտադրությունն ու աշխատանքը շինհրապարակներում, ինչպես նաև մեծածախ առևտուրը։ Բժշկական դիմակ կրելը կլինի պարտադիր։
Վարչապետի խոսքով՝ սոցիալական հեռավորության պահպանումը մնում է վարակի դեմ պայքարի գլխավոր սկզբունքը։
Մանրածախ առևտրի կենտրոններն ու թանգարանները կբացվեն մայիսի 18-ին, հենց այդ ժամանակ էլ կվերսկսվեն թիմային մարզումները։ Գեղեցկության սրահները, բարերն ու ռեստորանները կսկսեն աշխատանքը հունիսի 1-ին։
Աղբյուրը՝ shantnews.am
