Ամերիկյան Amazon ընկերությունը մտադիր է 75 000 նոր աշխատակիցների վարձել՝ պատվերների աճով պայմանավորված առաքման աշխատանքները հասցնելու համար:
Ինչպես հայտնում է CNN-ը, պատվերների քանակը մեծացել է կենցաղային իրերի և կորոնավիրուսի համավարակի ընթացքում պահանջվող պարագաների գնումների պատճառով: Բացի այդ, առցանց պատվերներ ընդունող խոշորագույն ընկերությունից երկուշաբթի հայտարարել են, որ մարտի կեսերից ի վեր արդեն իսկ 100 000 մարդու են ընդունել աշխատանքի բաշխման կենտրոնների համար:
Ընկերությունից հայտնել են, որ նախատեսում են ավելի քան 500 մլն դոլար հավելյալ գումար հատկացնել աշխատավարձերի վճարմանը:
«Մեր գլխավոր մտահոգությունը մեր աշխատակիցների առողջությունն ու անվտանգությունն ապահովելն է: Մենք փորձում ենք ապահովել սոցիալական հեռավորության պահպանումն ու կենտրոնների ախտահանումը»,- ասել են Amazon-ից:
