Իրանի իշխանությունները մայիսի 15-ից պաշտոնապես դադարեցրել են 2015թ. «միջնորդ վեցյակ»-ի (ԱՄՆ, ՌԴ, Չինաստան, Մեծ Բրիտանիա, Ֆրանսիա, Գերմանիա) հետ կնքած պատմական միջուկային համաձայնագրի շրջանակում իր ստանձնած պարտականությունները:
Ինչպես նշում է ru.euronews.com կայքը, նման հայտարարությամբ է հանդես եկել Իրանի ատոմային էներգետիկայի գործակալության ներկայացուցիչը:
Հայտնի է, որ որոշումը կայացրել է Իրանի անվտանգության բարձրագույն խորհուրդը: Չի բացառվում, որ Իրանն այժմ կարող է վերականգնել ուրանի հարստացման աշխատանքներն ու վերսկսել երկրի միջուկային ծրագիրը, եթե «միջնորդ վեցյակ»-ի անդամները 60 օրվա ընթացքում չկատարեն համաձայնագրի պահանջները:
Հիշեցնենք, որ ԱՄՆ նախագահ Դոնալդ Թրամփը 2018թ. մայիսին դուրս է եկել համաձայնագրից՝ հայտարարելով, որ այն չի բխում ԱՄՆ-ի շահերից և Իրանին միջուկային ու հրթիռային ծրագրերը զարգացնելու համար բազմաթիվ սողանցքներ է տրամադրում:
