Բրիտանական Daily Mail պարբերականը հրապարակել է ուշագրավ տեսանյութ, որում երևում է՝ ինչպես է Շվեդիայի թագաժառանգ արքայադուստր Վիկտորյան մի խումբ երեխաների հետ համացանցում մեծ տարածում գտած «ֆլոս» պարը պարում:
Պարբերականը նկատում է, որ 41-ամյա դքսուհին իրեն շատ անկաշկանդ է պահել անծանոթ երեխաների հետ: Ի դեպ, երեխաները շատ են զարմացել՝ իմանալով, որ արքայադուստրը գիտի այդ պարը:
Տեսանյութն արվել է Նորվեգիային սահմանակից Հերյեդալեն նահանգում, որտեղ նա այցելության էր եկել ալպինիզմով զբաղվող երիտասարդներին և երեխաներին:
Պարբերականը չի բացառում, որ արքայադուստրը նորաձև պարի շարժումները սովորել է իր երեխաներից:
