ԱՄՆ Արիզոնա նահանգի խառնարաններից մեկում հայտնաբերված երկնաքարի կտորը, որը կշռում է ավելի քան 30 կգ, վաճառվել է հեղինակավոր Christie’s աճուրդի տան կողմից:
Բացառիկ նմուշի համար անանուն գնորդը վճարել է 237.500 դոլար, հայտնում է CNBC-ն: Բեկորը վաճառվել է առցանց աճուրդի ժամանակ:
Աղբյուրը մանրամասնում է, որ «երկաթյա երկնաքարը» Երկրի վրա է ընկել 50.000 տարի առաջ, ինչի հետևանքով էլ գոյացել է խառնարանը:
Նշվում է, որ բեկորը գնահատվել էր 150.000-250.000 դոլար:
Christie’s-ը մտադիր է ապրիլին Լոնդոնում աճուրդի հանել մեկ այլ երկնաքարի բեկոր, որն ընկել է այս տարվա հունվարին՝ Դետրոյթ քաղաքից ոչ հեռու:
Աղբյուրը՝ tert.am