ArenaNews.am կայքի ավանդական շարքում այս անգամ բլիցել է երգչուհի Իրինա Հարությունյանը:
-Եվ այսպես, Իրինա սկսեցինք.
ի՞նչ են փնտրում կանայք այս կյանքում, երբ եղունգների իրենց նախընտրած գույնի լաքն արդեն գտել են:
-Եղունգների գույնին համապատասխանող զգեստ:
-Ի՞նչ կարելի է անել արած լավության հետ, բացի ջուրը գցելուց:
-Ջուրը չգցել))
–Խորհուրդներ տվողի՞, թե՞ լսողի դերում եք լինում առավել հաճախ:
-Երևի տվողի, բայց եթե ինձնից խորհուրդ են հարցնում:
-Եթե Ձեզ հարցնեք, թե որն է եղել Ձեր կյանքի ամենահիշվող շրջանը, պատասխանը կլինի…
-Մանկությունս:
–Առաջին քայլը, որը կանեք միլիոնատեր դառնալուց հետո:
-Կտխրեի)))
-Ովքե՞ր են կառավարում աշխարհը, երբ կանայք զբաղված են:
-Կանայք երբեք շատ զբաղված չեն լինում))
-Ի՞նչ մանրուքներ կարող են Ձեզ ափերից հանել:
-Ես դժվար եմ հունից դուրս գալիս մանրուքների պատճառով:
–Ռետին տանք Ձեր կյանքի ո՞ր հատվածը ջնջեք:
-Ոչինչ չէի ջնջի, ես ուրախ ու հպարտ եմ իմ անցած ճանապարհով:
-Վերջին անգամ ի՞նչ ներկայացում եք դիտել:
-«Հարսանիք թիկունքում»:
-Ի՞նչ է անհրաժեշտ պասուց տոլմա պատրաստելու համար:
-Տրամադրվել))
-Քանի՞ տոկոս է Ձեզ հետաքրքրում երկրի քաղաքական անցուդարձը:
-Տատանվում է դրամի արժեքի մասին:
-10 անգամ ավել գումար վաստակելու համար, անհրաժեշտ է…
-10 անգամ ավել աշխատել:
-Առանց շպարի տանից քանի՞ մետր կարող եք հեռանալ:
-Կարևորը, որ կարող եմ առանց շպարի տանից դուրս գալ))
–Եթե մարդ չի սխալվում, նշանակում է…
-Որ իրեն թվում է, որ ապրում է. անսխալական մարդիկ չկան:
-Քանի՞ օր կկարողանաք ապրել 100 հազար դրամով:
-100 րոպե)))
-Ինչպիսի՞ն կլիներ երկրի վիճակը, եթե նոր Կառավարությունը մի պաշտոն էլ Ձեզ վստահեր:
-Ամեն ինչ իր տեղը կընկներ:
–Ամսվա ընթացքում քանի՞ անգամ եք գեղեցկության սրահ գնում:
-3 օրը մեկ անգամ:
-Ի՞նչ եք կարդում հիմա:
-Ձեր տված հարցերը:
-Լինել 20 տարեկանն անց նշանակում է…
-Կարողանալ պատգամավորի թեկնածություն դնել)))
– Եվ վերջում՝ մի հարց, որ Դուք էլ մեզ կտայիք:
-Իմ պատասխաններից ո՞րը Ձեզ ավելի դուր եկավ:
-Վերջինը շաաատ տեղին էր))) (հեղ.)