Մարտի 4-ին Արամ Խաչատրյանի մեծ համերգասրահում տեղի կունենա երգիչ, շոումեն Գրիշա Աղախանյանի, ինչպես ինքն է նշում առաջին 50-ամյակին նվիրված համերգը: Սպասվող համերգի մանրամասների մասին LosArmNews.com կայքը զրուցել է շոումենի հետ:
-Գրիշա, ինչպե՞ս առաջացավ միտք՝ 50 ամյակը տոնելու հենց այս ֆորմատով:
– Ինձ մոտ կային նման մտքեր, բայց երկմտում էի՝ արժե, թե ոչ: Հետո ՝ընկերների հետ շփվելու ժամանակ, խոսակցություն բացվեց իմ տարեդարձից, ու իրենց կողմից էլ նման առաջարկ եղավ ու որոշեցինք իրագործել:
Համերգի ժամանակ ելույթ ունեցող հատուկ հյուրերի թվում ներգրավվել են բոլոր այն մարդիկ, ում հետ համագործակցել ու աշխատել եմ:
-Հայաստանում կազմակերպված միջոցառման ժամանակ ինչ-որ անակնկալներ լինելու՞ են:
– Վստահ եմ, որ կլինեն անակնկալներ, բայց ինձ էլ դեռ չեն ասում, թե ինչ անակնկալներ է սպասվում:
-Բավական հաճախ եք լինում ԱՄՆ-ում, հնարավո՞ր է, որ նման կերպ Ձեր 50-ամյակը նշեք նաև այնտեղ:
– Շատ կուզեմ, իսկապես: Հստակ ասել չեմ կարող, բայց հնարավոր է՝ 50-ամյակս նշեմ նաև ԱՄՆ-ի իմ հանդիսատեսի հետ: Թե ինչպես կամ ինչ ֆորմատով կլինի, դրա մասին խոսելը դեռ վաղ է: Ամեն դեպքում, կարծում եմ՝ որևէ բան կկազմակերպեմ:
-Գրիշա, այս պահին ի՞նչ գործունեություն եք ծավալում:
–Հիմա նկարահանվում եմ «Շանթ» հեռուստաընկերությամբ ցուցադրվող «Անուղղելիները» հեռուստասերիալում. Առայժմ որևէ այլ նախագծում ներգրավված չեմ:
