ArenaNews.am կայքը, շարունակելով բլից հարցազրույցների շարքն, այս անգամ հարցերն ուղղել է հայկական հեռուստաեթերի ամենականացի հաղորդավարուհիներից մեկին՝ Գոհար Հայրապետյանին:
Հիշեցնենք, որ հաղորդավուհին այժմ «Երկիր մեդիա» հեռուստաընկերության եթերում վարում է «Կին|Յան» հաղորդումը:
-Եվ այսպես, Գոհար, սկսեցինք,
Ի՞նչ կարելի է սպասել բարկացած կնոջից:
-Ինչ ասես: Բարկացած ու հատկապես վիրավորված կինը բնության տարերքի է նման: Եվ առհասարակ կանայք ավելի դաժան են, քան Դարվինի օրենքը:
–Ո՞ր բառի սխալ արտասանությունն է Ձեզ հունից հանում:
-Ծնուդտ շնորհավորը:
–Ձեր մասին ամենամեծ սուտը:
-Որ ամուսինս ինձ լքել է ու փախել արտասահման, ու ես միայնակ պահում եմ մեր դստերը:
–Անմարդաբնակ կղզի գնալուց ում կամ էլ ինչ վերցնենք, եթե արդեն իսկ մեզ ուղեկցում է մեր տղարմարդը, վերցրել ենք կողմետիկա ու գրքեր:
-Բջջային հեռախոս, որովհետև տղամարդիկ հեռանալու վատ սովորություն ունեն, իսկ կոսմետիկան ու գրքերը՝ վերջանալու և ընթերցվելու: Իսկ հեռախոսով այսօր ցանկացած խնդիր կարելի է լուծել:
–Քանի՞ օր/ժամ/շաբաթ կարելի է սպասեցնել տղամարդուն:
-Նայած թե ինչի համար: Թատրոն գնալու համար, օրինակ, 15 րոպե: Սիրտդ նվիրելու համար, ցանկալի է ավելի երկար սպասեցնել, որ վստահ լինես, ապահով ձեռքերի ես հանձնել:
Ասում եք՝ «Ինչ ուզում ես արա երեխուդ համար, ուզում ես բռիդ մեջ ձվածեղ արա, արմունկիդ վրա քյուֆթա, միևնուն է վերջում հոգեբանի «կուշետկին» պառկած քեզնից բողոքելու է»։ Սա բոլո՞ր երեխաների դեպքում է գործում:
-Հիմնականում՝ այո: Բայց իսկական մայրական սերն այնքան մեծ է, այնքան անշահախնդիր, որ դա նշանակություն չունի: Մայրը միևնույն է սիրում է:
–Ծերանալուց ու, ինչպես մի անգամ ասել եք, մարդկային ավերակներից բացի էլ ինչի՞ց եք վախենում:
-Ինձնից:
–«Կին|Յան» հաղորդման ո՞ր եթերն է եղել ամենատպավորիչը:
-Հայու գենի մասին առաջին Կին/Յանը:
–Ձեզ քննադատողներն առնվազն..
-Նորմալ մարդիկ են: Ես ոսկի չեմ, որ բոլորն ինձ սիրեն:
-Արտահայտություն, որն ամենից տեղինն է հայ քաղաքական դաշտը նկարագրելու համար:
-Երբ ցինիզմը դառնում է քաղաքական կատեգորիա:
–Ի՞նչ եք կարդում հիմա:
Վահան Զանոյան «Հեռու մի տեղ»:
-Եթե Գոհար Հայրապետյանը երկարացնի իր վարսերը, կնշանակի…
-որ, վերջապես իր ընկեր ոճաբանները համաձայնել են փոխել իր ոճը:
Մանրամասն՝ սկզբնաղբյուրում