1990-ական թվականների ամենահայտնի փոփ խմբերից մեկը՝ բրիտանական Spice Girls-ը, պատրաստվում է վերամիավորվել, հայտնում է The Daily Mail-ը՝ մանրամասնելով, որ դրա համար նախկին 5 անդամներին 10-ական միլիոն ֆունտ ստերլինգ է վճարվելու:
Նշվում է, որ Մել Բին Լոս Անջելեսից Լոնդոն է ուղևորվել, որպեսզի այնտեղ հանդիպի Վիկտորիա Բեքհեմին, Էմմա Բանթոնին, Մել Սիին ու Ջերի Հորներին:
Աղբյուրը նկատում է, որ ներկայում ճանաչված դիզայներ Վիկտորիա Բեքհեմը ևս մյուսների պես կստանա 10 մլն, սակայն չի երգի:
Այժմ քննարկվում է վերամիավորված խմբի շրջագայության հարցը: Չի բացառվում, որ վճարվելիք գումարի դիմաց անդամները պետք է լավագույն հիթերից կազմված ալբոմ թողարկեն, տաղանդների շոու վարեն, ինչպես նաև մի շարք ժամանցային նախագծեր իրագործեն Չինաստանում:
Աղբյուրը՝ tert.am
