Վարդան Հովսեփյանը պատմել է նախորդ տարի իր կյանքում տեղի ունեցած մեծ իրադարձության եւ այն մասին, թե ինչ ակնկալիքներ ունի 2018 թվականից:
– Մարմնավորել եք տարբեր կերպարներ, եղե՞լ են այնպիսիք, որ մոտ են իրական կյանքին։
– Իրական կյանքում լինում են կրկնվող դեպքեր, իսկ պատճառներից մեկն այն է, որ կերպարները շատ են ու տարբեր, եւ, իհարկե, կարելի է գտնել նմանություններ, բայց լիովին նույնը չի հանդիպել դեռ։
– Դերասանի աշխատանքային խիտ գրաֆիկ` նկարահանումներ սերիալներում, ֆիլմերում, գովազդներում, գործունեություն, եւ այս ամենի հետ մեկտեղ` անձնական կյանք, սիրելի ու ապագա կին, հասցնո՞ւմ եք։
– Իհարկե, հասցնում եմ, կարծում եմ` առանց դրա ստեղծագործելն անհնար կլինի:
– 2017 թ.-ի ամենամեծ ձեռքբերումը:
-Ինձ համար իմ յուրաքանչյուր ձեռքբերումն է մեծ, բայց կառանձնացնեմ մի առանձնահատուկ արարողություն իմ կյանքում, որ տեղի ունեցավ հենց նախորդ տարի. կնքվեցի եւ դարձա իսկական հայ քրիստոնյա։
– Հաջողություններ, անհաջողություններ, ինչպե՞ս կամփոփեք նախորդ տարին։
– Տարին կամփոփեմ ինձ համար շատ կարեւոր վերոնշյալ արարողությամբ. դա իսկապես մեծ իրադարձություն էր իմ կյանքում։
– Ինչպե՞ս դիմավորեցիք 2018 թվականը:
– Ամանորը, ինչպես միշտ, այս անգամ եւս նշեցի ընտանքիս հետ։
– Ասում են, որ նոր տարին իր հետ բերում է նոր նպատակներ, ծրագրեր, ինչո՞ւ չէ, նաեւ նոր երազանքներ։ Ի՞նչ եք կարծում, այս տարին անձնական կյանքը լիովին դասավորելու համար հարմա՞ր կլինի, սպասե՞նք նորությունների։
– Ոչինչ չեմ սիրում նախապես պլանավորել, ծրագրել, ամեն ինչ Աստծո ձեռքերում է, ինչպես կկամենա, այդկերպ կլինի, բայց ցանկանում եմ, որ 2018-ն իր հետ բերի խաղաղություն, ուզում եմ, որ պատերազմներ չլինեն, ուզում եմ, որ բոլորս հանգիստ ապրենք։
-Սիրում եմ նվիրել, հատկապես սիրում եմ նվիրել մայրիկիս ու սիրելիիս։– Դեպք, իրադարձություն, որը Ձեզ կհիշեցնի մանկության Ամանորը։
– Տպավորիչ է եղել կեսգիշերին ժամացույցի մեծ ու փոքր սլաքների հավասարումը, որով ազդարարվում է նոր տարին եւ, իհարկե, այն խորհրդավոր տոնածառի տակ պահված նվերը Ձմեռ պապիկից։-Տոնական օրերն անցկացնելու ինչպիսի՞ տարբերակ եք նախընտրում։
– Գերադասում եմ լինել սիրելիիս հետ` առանց ավելորդ աղմուկի, նաեւ ժամանակ եմ հատկացնում ընտանիքիս, քանի որ դրանով պահպանում ենք մեր հայկական ավանդույթներն ու արդեն սիրելի դարձած սովորությունները։