Նյու Յորքի Ժամանակակից արվեստի թանգարանում սեպտեմբերի 14-ից մեկնարկել է Պաբլո Պիկասոյի աշխատանքների ցուցադրությունը, սակայն, ոչ թե գեղանկարչական ստեղծագործությունների, այլ քանդակների:
Այո, այո մեծն Պիկասոն նաև հրաշալի քանդակների հեղինակ է:
Իսկ ինչո՞վ է պայմանավորված քանդակների պակաս հայտնի լինելու հանգամանքը. բանն այն է, որ Ավանգարդի խոշոր ներկայացուցիչը՝ Պիկասոն, չէր վաճառում իր քանդակագործական աշխատանքները՝ պահելով դրանք լայն հասարակության աչքից հեռու: Իսկ դրանց թիվը քիչ չէ, ժամանակակից թանգարանի մի ամբողջ հարկ տրամադրվել է Պիկասոյի շուրջ 140 քանդակներին, որոնք Նյու Յորք են բերվել ինչպես թանգարաններից, այնպես և մասնավոր հավաքածուներից:
