Վրաստանի Արտաքին գործերի նախարարության մամլո ծառայությունը հայտարարություն է հրապարակել, որում ընդգծում է՝ «Վրաստանը հույս է հայտնում, որ Ադրբեջանի ու Հայաստանի միջև ձեռք բերված համաձայնությունը՝ կապված կրակի դադարեցման հետ, կնպաստի հակամարտության լուծման լիամասշտաբ գործընթացին»: Այս մասին հայտնում է Ալիք Մեդիան։
«Վրաստանն աջակցում է երկու կողմի միջև երկխոսությանը: Միաժամանակ, մենք միջազգային հանրության հետ մեկտեղ խաղաղարար գործընթացի իրականացմանը նպաստելու պատրաստակամություն ենք հայտնում:
Վստահ ենք, որ միջազգային հանրության ակտիվ ներուժը և բազմակողմանի միջազգային մեխանիզմների ուժի մեջ մտնելն արդյունք կտա երկարաժամկետ խաղաղության հիմք դնելու համար, ինչը նոր հնարավորություններ կստեղծի ողջ տարածաշրջանի համար»,- նշված է հայտարարության մեջ:
