Ազգային ժողովի «Լուսավոր Հայաստան» խմբակցությունը հարցապնդմամբ դիմել է ՀՀ կառավարությանը՝ կառավարության կազմում տեղի ունեցող կրճատումների հետ կապված խնդիրների կապակցությամբ։
Այս մասին ֆեյսբուքյան իր էջում տեղեկացրել է խմբակցության ղեկավար Էդմոն Մարուքյանը:
Խմբակցության հարցապնդման մեջ առանձնացված են հետևյալ կետերը.
– ո՞րն է կառավարության տեսլականն իր կազմում կատարվող փոփոխությունների հետ կապված
– որո՞նք են կրճատվող ԾԻԳ-երը և ՊՈԱԿ-ները
– ի՞նչ սկզբունքով են կատարվելու հաստիքների և աշխատակիցների կրճատումները և արդյո՞ք կառավարությունը պատրաստ է առերեսվել կրճատված կադրերի գործազրկության խնդրի հետ
– ի՞նչ սկզբունքով է չափվելու կրճատվող և տեղում մնացող աշխատակիցների աշխատանքի արդյունավետությունը
– որքանո՞վ կբարձրանան պետական հատվածի աշխատավարձերը, նպաստները և/կամ կենսաթոշակներն ազատված միջոցների հաշվին:
Հարցապնդման պատասխանը կքննարկվի ԱԺ պլենար նիստում։
