«Քառյակ մեդիայի» մյուս երկու համահիմնադիրները՝ Արման Սաղաթելյանը և Կարեն Բեքարյանը, լինելով ՀՀ 6-րդ գումարման ԱԺ «ՀՀԿ» խմբակցության անդամ, այդ կուսակցության անդամ չեն եղել։
«Քառյակ մեդիա» ՓԲԸ համահիմնադիրներ, ԱԺ 6-րդ գումարման պատգամավորներ Միհրան Հակոբյանը և Սամվել Ֆարմանյանը հունվարի երեկ՝ հունվարի 8-ին դիմում են ներկայացրել իրենց անդամակցությունը Հայաստանի Հանրապետական կուսակցությանը դադարեցնելու մասին:
Sputnik Արմենիայի հետ զրույցում Միհրան Հակոբյանը հաստատեց այս տեղեկությունը։
Հիշեցնենք, որ նույն օրը Միհրան Հակոբյանը, Սամվել Ֆարմանյանը, Արման Սաղաթելյանը և Կարեն Բեքարյանը հիմնադրել են «Քառյակ մեդիա» ընկերությունը, որը ձեռք է բերել «Թերթ Էյ Էմ» ՍՊԸ-ն, «Արմնյուզ» ՓԲԸ-ն, «Ռադիո 107 ՖՄ» ՍՊԸ-ն: Դրանք հանդես են գալիս համապատասխանաբար «Թերթ.am», «Արմնյուզ», «Լավ Ռադիո» ապրանքանիշերի ներքո:
Տեղեկացնենք, որ «Քառյակ մեդիա» ՓԲԸ-ի մյուս երկու համահիմնադիրները՝ Արման Սաղաթելյանը և Կարեն Բեքարյանը, լինելով ՀՀ 6-րդ գումարման ԱԺ «ՀՀԿ» խմբակցության անդամ, այդ կուսակցության անդամ չեն եղել։
Աղբյուրը՝ armeniasputnik.am
