Աշոտյանի խոսքով` ԱԺ արտահերթ ընտրություններին մասնակցելու հարցում գլոբալ առումով տրամադրությունների ճամբարները չեն փոխվել ՀՀԿ–ում։
«Կա մասնակցելու տրամադրված քաղաքական գործիչների շարք, և կան մարդիկ, որոնք կարծու մ են` մասնակցել չարժե։ Պատճառները տարբեր են` սկսած այն հանգամանքից, որ գալիք ԱԺ–ն ակնհայտորեն ժամանակավոր է լինելու, վերջացրած այն հանգամանքով, որ եթե չենք հաղթելու, ինչու ենք մասնակցում»,– ասաց Աշոտյանը։
Նրա խոսքով` այս հարցում որոշակիություն կլինի այն ժամանակ, կուսակցության ղեկավար մարմինն այդ որոշումն ընդունի։
«Այդուհանդերձ, զուգահեռ մենք ապրում ենք մի ռեժիմում, երբ կուսակցության գրասենյակի աշխատանքը եռում է առավոտից երեկո։ Կարող եք թաքնված տեսախցիկ տեղադրել և տեսնել, թե որքան մարդ է աշխատում։ Մինչև ուշ գիշեր աշխատում ենք»,– ասաց Աշոտյանը։
Նրա խոսքով` ՀՀԿ գրասենյակում աշխատում են այն տրամաբանությամբ, որ գուցե մասնակցելու են ԱԺ արտահերթ ընտրությանը։
Նշենք, որ ԱԺ արտահերթ ընտրությունը նախատեսված է դեկտեմբերի 9-ին։
Մանրամասն՝ սկզբնաղբյուրում
