ԱԺ «Ելք» խմբակցության քարտուղար Գևորգ Գորգիսյանը խորհրդարանում ընթացող ճեպազրույցի ժամանակ հայտարարեց, որ «Լույս» դաշինքը արտահերթ խորհրդարանական ընտրություններին կմասնակցի «Հանրապետութուն» կուսակցության հետ, իսկ անհատների և այլ քաղաքական ուժերի հետ էլ քննարկման համար բաց են։
Անդրադառնալով ԱԺ փոխնախագահ, ՀՀԿ մամուլի խոսնակ Էդուարդ Շարմազանովի այն հայտարարությանը, թե ի դեմս «Լույս» դաշինքի, իշխանությունը «գրպանային ընդդիմություն» կունենա խորհրդարանում, Գորգիսյանը հայտարարեց.
«Նույնիսկ Նիկոլ Փաշինյանի ծիծաղը կգա, ՀՀԿ-ականները միշտ չափում են իրենց տեսածով կամ իմացածով»։
Դիտարկմանը, թե իրենց մշտապես կապում են «սև ուժերի» հետ, Գորգիսյանն ասաց, թե անընդհատ չեն ապացուցելու, որ իրենք ընձուղտ չեն։
Աղբյուրը՝ shantnews.am
