Տասնութամյա մոդել Քալիեղ Գարիսը դարձել է «Միսս դեռահաս ԱՄՆ» գեղեցկության մրցույթի պատմության մեջ վերջին քսան տարում առաջին հաղթողը, որը ներկայացել է բնական վիճակում գտնվող վարսերով:
Ինչպես նշում է Daily Mail-ը, Կոնեկտիկուտ նահանգի բնակչուհին նախընտրել է ներկայանալ աֆրոամերիկուհիներին բնորոշ սանրվածքով, ինչը ոգևորել է շատ-շատերին:
«Գիտեմ՝ ինչպիսի տեսք ունեմ հարթ կամ արհեստականորեն երկարացված վարսերով, բայց ես ցանկանում էի իմ բնական տեսքով ներկայանալ, քանի որ այսպես՝ գանգուրներով, ինձ առավելագույնս լավ եմ զգում»,-խոստովանել է ուսանողուհին:
Գարիսը նշել է, որ ցանկացել է մրցույթի ընթացքում լինել այն միակ մասնակիցը, որը, «չարդարացնելով բոլորի սպասումները», կներկայանա բնական վարսերով:
«Քննադատները շատ էին, նրանք ասում էին, որ պետք է վարսերս ուղղեմ կամ արհեստական ճանապարհով երկարացնեմ, և որ բնական գանգուրներս տեղ չունեն բեմի վրա: Լիահույս եմ, որ արարքս կոգևորի մյուսներին»,-ասել է աղջիկը:
Հաղթողի համոզմամբ՝ կանայք ու աղջիկները պետք է իրենց ինքնավստահ զգան բնական տեսքով:
Հաղթողը՝ հարդարված վարսերով
