1. Մանուկ հասակում երազում էի աշխարհագրության դասատու դառնալ:
2. Ուզում ես իմանալ, թե որքան եմ քեզ սիրու՞մ: Լսիր իսկական ֆլամենկո և կհասկանաս:
3. Զզվում եմ «Ջեք Դենիելս» վիսկիներից:
4. Ինձ մշտապես այցելում է հետևյալ միտքը՝ ինչ լավ կլիներ՝ մենք էլ ծով ունենայինք:
5. Ինձ համար թթուն հայկական ազգային արժեք է:
6. 1 տարի 10 ամիս անցկացրել եմ «Երևան-Կենտրոն», «Նուբարաշեն», «Կոշ», «Արթիկ» քրեակատարողական հիմնարկներում:
7. Տատիկս իմ կյանքում ամենամեծ ազդեցությունն ունեցող անձանցից մեկն է:
8. Ընկերներիցս չորսն ունեն տարօրինակ մականուններ ՝ Չաղ, Լուրջ, Բիձիկ, Ժպիտ:
9. Ես նախընտրեցի սերբի ազգությունն ու Բոյան մականունը, երբ գրքում պետք է գրեի կեղծ անձնագիր ստանալու մասին:
10. Կենտրոնական ընտրական հանձաժողովի տվյալներով՝ կա ևս մեկ Նիկոլ Փաշինյան, ով բնակվում է Շենգավիթում:
ArenaNews.am կայքը Նիկոլ Փաշինյանի մասին առաջին 9-ը փաստերը հավաքագրել է վերջինիս հեղինակած «Երկրի հակառակ կողմը» գրքից:
Միանալով ֆեյսբուքում շարունակվող «10 հետաքրքիր փաստեր իմ մասին» խորագրով ֆլեշմոբին՝ ներկայացրինք, թե ինչպիսին կարող էր լինել ՀՀ վարչապետի գրառումը, եթե նա միանար ֆլեշմոբին:
Աղբյուրը՝ ArenaNews.am
