Ամերիկահայ հեռուստաաստղ Քիմ Քարդաշյանը հրապարակել է մի շարք արխիվային լուսանկարներ, որոնք արվել են մանկության և դեռահասության տարիներին:
Ինչպես նշում է The Daily Mail պարբերականը, լուսանկարներից մեկում Քիմը պատկերված է հանգուցյալ հոր՝ հայտնի փաստաբան Ռոբերտ Քարդաշյանի ծնողների հետ:
Լուսանկարում 37-ամյա աստղի, նրա հայ տատի ու պապի՝ Հելենի և Արթուրի կողքին կանգնած են փոքրիկ Քորթնի, Քլոե և Ռոբ Քարդաշյանները:
Մեկ այլ կադրում 2 տարեկան Քիմին գրկել է Հելեն տատիկը: Լուսանկարներից մյուսում սևազգեստ Քիմն ավագ քրոջ՝ Քորթնիի ու հոր հետ մասնակցում է ինչ-որ միջոցառման:
Հավելենք, որ Քարդաշյանի նախնիներն ԱՄՆ են գաղթել Կարսից:
Աղբյուրը՝ life.tert.am
