Հարավկորեական Samsung ընկերությունը ներկայացրել է QLED հեռուստացույցների նոր շարքը, որը հայտնվել է թե՛ սպառողների, թե՛ մրցակիցների ուշադրության կենտրոնում: Նորույթին անդրադարձել է Luxury Launches-ը:
Նշվում է, որ նոր հեռուստացույցները համալրված են քվանտային կետերով լուսադիոդային էկրաններով, սակայն սա նորույթի միակ առանձնահատկությունը չէ:
Աղբյուրը մանրամասնում է, որ անջատված լինելու դեպքում այս հեռուստացույցի էկրանն «անհետանում» է. այն ուղղակի կրկնում է պատի կամ ցանկացած ֆոնի տեսքը, որի վրա այն գտնվում է՝ դառնալով համարյա անտեսանելի:
Այս գործառույթից օգտվելու համար բավական է լուսանկարել հեռուստացույցն ու պատը, որի վրա այն գտնվում է. մնացածն անում է Samsung-ի հատուկ հավելվածը: Պատի հետ «ձուլվելուց» բացի՝ հեռուստացույցի էկրանի վրա ստվեր է ավելանում, ինչի շնորհիվ հեռուստացույցի շրջանակը նմանվում է պատից կախված դատարկ շրջանակի:
Սակայն պարտադիր չէ, որ այն դատարկ մնա. կարելի է հատուկ ռեժիմի միջոցով (Ambient mode) տարբեր լուսանկարներ արտապատկերել էկրանի վրա, ցուցադրել նորություններ կամ եղանակի տեսությունը:
Աղբյուրը՝ tert.am
