09։30
Պետական եկամուտների կոմիտեում պարգևավճարները կրճատեք և այստեղ պատշաճ մաքրություն կատարեք: Այս մասին Նորագավիթի մաքսատանը շրջայց կատարելու ժամանակ ՊԵԿ նախագահին ասաց ՀՀ վարչապետ Նիկոլ Փաշինյանը: Նա տարածքի վիճակը որակեց խայտառակություն:
Բացի այդ, Նիկոլ Փաշինյանը մտավ մաքսատան աշխատասենյակներից մեկը և դուրս գալուց հետո հարցրեց, թե քանի մարդ է աշխատում այդ սենյակում:
«Երկո՞ւ-երե՞ք: Ովքեր այս սենյակում աշխատել են դրոշի պայմաններում ոչ ոք չաշխատի այդտեղ, բոլորը հեռացվեն աշխատանքից»,-ասաց Փաշինյանը:
«Ո՞նց կարող է մարդը դրոշը իրենից ցածր դնել, ամեն օր գնաս աշխատանքի, և դրոշը այնտեղ կեղտոտ գցած լինի՞, դա ընկալման հարց է, ո՞նց կարող է նման մարդը Հայաստանի Հանրապետությունում ուսադիրներ կրել։ Մի մարդ չմնա այդ սենյակում, անուն–ազգանունով կտաք»- ասաց Նիկոլ Փաշինյանը:
Մաքսատանը նրա շրջայցը շարունակվում է:
09։10
ՀՀ վարչապետ Նիկոլ Փաշինյանն այցելել է Նորագավիթի մաքսատուն: ՀՀ վարչապետը տեղում ծանոթանում է մաքսատան հնարավորություններին:
Նորագավիթի մաքսակետում են նաև ՀՀ պետական եկամուտների նախագահ Դավիթ Անանյանը և այլ պաշտոնյաներ:
Վարչապետի այցին կարող եք հետևել ուղիղ հեռարձակմամբ։
