2019 թ–ին թոշակներն էապես չեն բարձրանա. կառավարությունն այլ բաների վրա է գումար ծախսելու

«Դեռ չի նախատեսվում բարձրացնել աշխատավարձերն ու թոշակները։ Դա նորություն չէ. այս մոտեցումները ներկայացված են երեք տարվա Միջնաժամկետ ծախսերի ծրագրում», – հիշեցրեց նախարարը։

Ծրագրի համաձայն` բյուջեի լրացուցիչ ծախսերն ուղղվելու են առաջին հերթին ոչ թե ընթացիկ ծախսերին (աշխատավարձեր ու թոշակներ), այլ ենթակառուցվածքային նախագծերին` ապագա տնտեսական աճի հիմքը դնելու համար։

Հիշեցնենք` վերջին անգամ Հայաստանում թոշակները բարձրացրել են 2015 թվականին։

Մեր երկրում բազային թոշակը կազմում է 16 հազար դրամ կամ 33 դոլար։ Հետո գումարվում են ստաժի համար ավելացումները` 800–ական դրամ առաջին 10 տարվա համար ու 500` մնացածի։ Միջին թոշակը կազմում է 41 հազար դրամ կամ 85 դոլար։

Աղբյուրը՝ armeniasputnik.am