«Հրապարակ» թերթը պարզել է, թե հատկապես ինչն են ստուգում պետական հիմնարկներում։
Կառավարությունը ստուգումներ է սկսել բոլոր պետական հիմնարկներում: Այս մասին գրում է «Հրապարակ» օրաթերթը` նշելով, որ այս օրերին նախարարությունների նախկին ղեկավարները, աշխատակիցները շունչը պահած սպասում են ստուգումների արդյունքներին:
«Ստուգում են հատկապես բյուջեի ֆինանսական ծախսերը, միջազգային ծրագրերով եկած միջոցները»,- նշված է հոդվածում:
Իսկ ինչ վերաբերում է մասնավոր ընկերություններում ստուգումներին, ապա, ըստ թերթի, գործարարների մի մասը պնդում է, որ իրենց ձեռնտու է մաքուր աշխատելը, սակայն հնարավոր չի եղել, քանի որ հարյուր տեղ ատկատ են տվել՝ սկսած cash գումարից, վերջացրած ճոխ նվերները:
«Թող մաքուր տենդերներ անցկացնեն, ոչ մեկին ատկատ չտանք, չասեն՝ էս առեք իմ համար, էն առեք, մենք էլ մաքուր մասնակցենք, շահենք, աշխատենք։ Այդպես աշխատելն ավելի հեշտ է, քան փող տալն ու վախը սրտում ապրելը»,- ասել է նրանցից մեկը:
