Արցախի փողոցում ցուցարարների մոտ են հոգևորականները

Արցախի փողոցով դեպի Երևանի կենտրոն շաժվող ցուցարարներին միացել են հոգևորականներ։

 Քիչ առաջ Երևանի Էրեբունի համայնքում երթի մասնակիցենրին միացավ Արարատյան Հայրապետական Թեմի առաջնորդանիստ Սուրբ Սարգիս եկեղեցու խորհրդակատար Տեր Շահե քահանա Հայրապետյանն ու ևս մի քանի եկեղեցականներ:

Տեր Շահենն այս պահին որևէ մեկնաբանություն չի արել, թե ինչ նպատակով է միացել ցուցարարներին: Այն բանից հետո, երբ ոստիկանները շարունակեցին ցուցարարների նկատմամբ հատուկ միջոցներ՝ ծխաձայնային նռնակներ կիրառել, ցուցարարները որոշում կայացրեցին ոստիկանների հետ հնարավոր բախումներից խուսափելու համար երթը շարունակել Էրեբունի համայնքի շրջանցիկ փողոցներով՝ դուրս գալով Արցախի փողոցից:

Հիշեցնենք, որ Էրեբունի համայնքից հանրահավաքի մասնակիցներն ինքնակազմակերխվելով որոշում էին կայացրել երթով գնալ Երևանի կենտրոն: Ոստիկանությունը Արցախի փողոցից հեռացրել էր բոլոր կազմակերպիչներին ու ակտիվիստներին ԱԺ պատգամավվորներ Նիկոլ Փաշինյանին, Արարատ Միրզոյանին:

Երեկ` ապրիլի 21-ին ոստիկանները բերման էին ենթարկել ու ձերբակալել նաև «Իմ քայլը» նախաձեռնության անդամ Արմեն Գրիգորյանին ու Դավիթ Սանասարյանին:

Աղբյուրը՝ armeniasputnik.am