Բելառուսի նախագահ Ալքեսանդր Լուկաշենկոն հայտնի լրագրող Դմիտրի Գորդոնին տված հարցազրույցում հայտարարել է, որ ինքը երբեք որևէ պարագայում չի փախչի Բելառուսից:
«Լուկաշենկոն երբեք որևէ տեղ չի փախչի, և երեխաներս նույնպես ոչ մի տեղ չեն փախչի, իսկ գիտեք՝ ինչու. փախուստի են դիմում նրանք, ում գրպանները լիքն են»,-ասել է երկրի նախագահը:
Այնուհետև, շարունակելով թեման, սկսել է վերլուծել, թե ուր կարող էր փախչել:
«Ո՞ւր կփախչեի: Ասենք՝ Չինաստան, բայց Աստված չանի, իհարկե. այնտեղ միանգամայն այլ կլիմա է, այլ երկիր: Իսկ Մոսկվայի մասին նույնիսկ չեմ էլ խոսում: Առանց գումար այնտեղ անելիք չկա: Իսկ ես գումար չունեմ, որ Յանուկովչի (Վիկտոր Յանուկովիչ` Ուկրաինայի նախկին նախագահ) պես փախչեմ ու այնտեղ ապրեմ»,-եզրափակել է Լուկաշենկոն: