«Երեկվանից ինձ բոլորը հարցնում են, լավ դրանք խի՞ էին ծափ տալիս։ Բնազդային վախ, բնազդային վախ՝ ժողովրդի ցասումից»,- Ֆրանսիայի հրապարակում ելույթի ընթացքում ասաց «Պատիվ ունեմ» խմբակցության պատգամավոր Հայկ Մամիջանյանը։
Անդրադառնալով Նիկոլ Փաշինյանի ստերին, Մամիջանյանը նշեց, որ նա երբեք չի հարգել հայ քաղաքացուն, քանի որ միայն ստով է կերակրել։
«Եթե իրենց թվում է, որ մենք տեխնոլոգիա կիրառել չգիտենք, մենք չենք կարող ֆեյք պապի հերոս բերել այստեղ կանգնեցնել, մենք չենք կարող խոսել գազի, էլեկտրաէներգիայի գներից, մենք չենք կարող խոստանալ, որ հացն անվճար ենք բաժանելու, իրանք սխալվում են, կարող ենք, բայց երբեք չենք անի,որովհետև մենք հային հարգում ենք։ Իսկ երբ մարդուն հարգում ես, ստել երբեք չես կարող։ Մենք ձեզ հարգում ենք ու չենք խոստանում, որ հեշտ է լինելու։ Քանդած, ավիրած երկիրը նորից կառուցելը շատ բարդ է լինելու, բայց մենք դա անելու ենք»,- ասաց Մամիջանյանը։
Նա նշեց, որ Փաշինյանն անընդհատ խոսում է տնտեսական աճից, սակայն գնաճն ակնհայտ է․ «Արա, դու խանութում գները տեսե՞լ ես, ի՞նչ տնտեսական աճ»։
