ԱՄՆ նախագահ Դոնալդ Թրամփը Լոս Անջելեսում բռնկված անկարգությունների պատճառով հրամայել է դաշնային վերահսկողության տակ վերցնել Կալիֆորնիայի Ազգային գվարդիան՝ առանց նահանգապետի համաձայնության։ Պատճառը՝ Միացյալ Նահանգների միգրացիոն ծառայության (ICE) կողմից իրականացված մի քանի լայնածավալ ռեյդեր, որոնք հանգեցրել են բազմաքանակ բողոքի ակցիաների և անկարգությունների։
Թրամփը Կալիֆորնիայի նահանգապետ Գևին Նյուսոմին և Լոս Անջելեսի քաղաքապետ Կարեն Բասին մեղադրեց «լիակատար անկարողության» մեջ՝ ինչպես միգրացիոն, այնպես էլ բնական աղետների ժամանակ վատ կառավարում ցուցաբերելու համար։ Նա հայտարարեց, որ Ազգային գվարդիան «հիանալի գործ է անում», իսկ դաշնային վերահսկողությունը անհրաժեշտ է, քանի որ «նահանգային ղեկավարությունն ակնհայտորեն ձախողվել է»։
Թրամփն նաև հայտարարեց, որ արգելվում է դիմակ կրել բողոքի ցույցերի ժամանակ, հայտարարելով. «Ի՞նչ ունեն այս մարդիկ թաքցնելու, և ինչո՞ւ»։
