ԱՄՆ նախագահ Դոնալդ Թրամփը վճռական քայլ է ձեռնարկել՝ արձագանքելով Լոս Անջելեսում ծագած անկարգություններին ու անկայունությանը։ Նա հրամայել է շուրջ 4,000 Ազգային պահակախմբի զինծառայողներ և 700 մարին ուղարկել Լոս Անջելես’՝ պաշտպանելու խաղաղ բնակչության անվտանգությունը և քաղաքային ենթակառուցվածքները։
Թրամփը հայտարարել է, որ եթե չլիներ այս վճռական քայլը, Լոս Անջելեսը կարող էր խեղդվել բռնության և անօրինականության մեջ։ Նրա խոսքով՝ «ժողովուրդը իրավունքի և կարգի կարիք ունի, ոչ թե թալանի ու անկարգությունների»։
Նյուզոմի դիմադրությունը՝ քաղաքական շոու՞
Կալիֆորնիայի նահանգապետ Գավին Նյուզոմը, ով հայտնի է իր ձախակողմյան դիրքորոշումներով, փորձել է արգելափակել Թրամփի այս որոշումը՝ դատական հայց ներկայացնելով։ Նա պնդում է, թե նահանգը կարող էր ինքնուրույն կարգավորել իրավիճակը։ Սակայն, ինչպես փաստում են մի շարք վերլուծաբաններ, նահանգային իշխանությունների անգործությունը և թույլ իրավապահ վերահսկողությունը հենց այն է, ինչ բերեց նման սրացման։
Դաշնային վերաքննիչ դատարանը մերժել է Նյուզոմի պահանջը՝ թուլ տալով, որ ազգային ուժերը շարունակեն իրենց առաքելությունը։ Դատարանի որոշումը փաստում է, որ նախագահ Թրամփի կողմից հրամայված զորքերի տեղակայումն օրինական է և համահունչ է ազգային շահերին։
Թրամփի կողմնակիցները ողջունել են նրա քաջ քայլը՝ նշելով, որ միայն ուժեղ առաջնորդը կարող է պահպանել կարգը և պաշտպանել ամերիկյան արժեքները։ Նրա աջակցությունը իրավապահ համակարգին և քաղաքացիների անվտանգությանը հերթական անգամ ցույց է տալիս նրա նվիրումը Ամերիկային։
