Ռոբերտ Քոչարյանը ևս հրաժարվել է մասնակցել Ծառուկյանի որդու հարսանիքին. Հայտնի է պատճառը

Երեկ «Հայելի» ակումբում հրավիրված ասուլիսում, որի հյուրը ՀՀԿ փոխնախագահ Արմեն Աշոտյանն էր, ակումբի ղեկավարը հայտարարեց, որ Հանրապետականը չի մասնակցել Գագիկ Ծառուկյանի որդու հարսանիքին, Ռոբերտ Քոչարյանը, Սերժ Սարգսյանը, Կարեն Կարապետյանը, Արկադի Ղուկասյանն ու Բակո Սահակյանը նույնպես չեն մասնակցել։

Արմեն Աշոտյանն ասաց, որ պետք է մի կողմ թողնել այդ թեման՝ նկատելով. «Մենք երկրում նոր բարոյական վարքականոնի կարիք ունենք, բոլորս՝ բոլոր մակարդակներում: Օրինակ, ինձ նյարդայնացնում եւ ցավ է պատճառում Երևանի փողոցներում ցկցկացող ցանկացած մեքենան, երբ երաժշտությունը շատ բարձր է: Մենք վարքականոնի կարիք ունենք նույնիսկ մեր հավաքների ժամանակ, դիցուք մեկի ծնունդի ժամանակ: Հասկանալի է, որ կյանքը շարունակվում է, բայց ցավը պետք է միահյուսել մեր կենցաղին: Չենք կարող ասել, որ այդ ցավը չկա»: