Կորոնավիրուսից առաջացած բարդություններից 53 տարեկանում մահացել է դերասան Վասիլ Սարգսյանը: Ցավալի լուրը ֆեյսբուքյան իր էջում հայտնել է դերասանի դուստրը` Լիլիթ Սարգսյանը:
«Ընկերներ, մենք երեկ կորցրեցինք մեր անփոխարինելի պապային, մեր ընտանիքի լույսը, մեր լավագույն ընկերոջը, մայրս՝ իր սիրելի ամուսնուն COVID-ից առաջացած բարդացումների պատճառով։ Ուղղակի չկարողացավ ընդունել, որ հնարավոր է ավելի երկար ապրել, քան սահմանին կռվող ջահել երեխեքը։ Սիրտը կոտրվում էր ամեն չարաբաստիկ ցուցակի մասին լսելիս: Այնքան ծրագրեր ու երազանքներ ունեինք իր իմաստությամբ իրագործելու:
Հարազատնե՛ր, խնդրում ենք խստորեն հետևել անվտանգության կանոններին, հոգատար գտնվել միմյանց նկատմամբ, սիրել անվերապահորեն ու ուժեղ գտնվել նման դաժան ժամանակներում։ Մեզ համար հիմա բոլոր հարազատների ներկայությունը մեր կյանքում շատ կարևոր է»,-գրել է նա:
Ցավալի լուրով կիսվել են նաև դերասանի խաղընկերները, գործընկերները` դերասանուհի Գայանե Ասլամազյանը, ռեժիսոր Աննա Հարությունյանը:
«Աշխարհի ամենաբարի մարդ: Շատ-շատ եմ ցավում, մեծ կորուստ է բոլորիս համար ու սարսափելի ընտանիքի համար: Շատ եմ ցավում, ձյաձ Վասիլ ջան»,-գրել է Գայանեն:
Նյութի աղբյուր՝ https://www.tert.am/life/am/news/2020/10/31/vasil/69162?fbclid=IwAR1-_pfTFoLSmS_WLzA8O0Bb8acu4YnikOzib41BlHDt9dFYZ4pnQYv9hu8
