Վարչապետ Նիկոլ Փաշինյանն աշխատանքից ազատել է արդարադատության փոխնախարար Աննա Վարդապետյանին, տեղեկացնում է Կառավարության կայքը։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Աննա Վարդապետյանին ազատել արդարադատության նախարարի տեղակալի պաշտոնից»,– ասվում է որոշման մեջ:
Աննա Վարդապետյանը Նիկոլ Փաշինյանի որոշմամբ այս պաշտոնում նշանակվել էր 2019 թ. ապրիլի 4-ին։
Արդարադատության նախարարության կայքից Աննա Վարդապետյանի անունը դեռ հանված չէ։
Նշենք, որ համապատասխան գրառում է իր ֆեյսբուքյան էջում արել նաև Աննա Վարդապետյանը։
