Մատչելի փոխանցումներ, արագ սպասարկում, առանց ավելորդ ձգձգումների ու գլխացավանքների գործարք. հենց այս պարզ բանաձևով էլ «ՄԱՆԻՏՈՒՆ» դրամական փոխանցումների կազմակերպությունը շուրջ 10 տարի է, ինչ սպասարկում է իրեն դիմած ցանկացած հաճախորդի:
Նրանց գոհացնելու համար կազմակերպությունն առաջին հերթին կազմակերպում է երկկողմանի զրույցներ՝ լսում հաճախորդների ցանկությունները, հասկանում կարիքներն ու անհրաժեշտությունները: Որից հետո միայն ընկերությունը լսողի դերից, անցնում է նաև տեղեկատվություն տրամադրողի ու ծառայություններ մատուցողի: Այսքանով չի ընդհատվում հաճախորդի հետ կապը. խոշորացույցի տակ հավաքվում ու վերլուծության է ենթարկվում ցանկացած արձագանք՝ անկախ դրա բովանդակությունից:
Կարճ ասած՝ «ՄԱՆԻՏՈՒՆ»-ը, ձեռքը զարկերակին, առաջարկում է այն, ինչ հաճախորդն է փնտրում:
Այցելուի մասնակցությունը գործարքի կնքման ժամանակ հնարավորինս պարզեցված է. եթե մեկ այլ տեղ նրանց լրացնել են տալիս տասնյակ թղթեր, ապա այստեղ նույն ծառայությունները մատուցվում են առանց բարդացնելու ու առանց հերթերի՝ պարզ և մատչելի:
Նշենք, որ ընկերությունը շարունակաբար աջակցում է բարեգործական տարբեր նախաձեռնությունների ՝ սեփական լուման ներդնելու և հայրենիքին օգտակար լինելու համար: Անվճար փոխանցումներ իրականցնելուց բացի, «ՄԱՆԻՏՈՒՆ»-ն էլ իր հերթին է կազմակերպում նվիրատվություններ ու նմանատիպ այլ բարեգործական միջոցառումներ:
Այս ընկերությունը հասանելի է այնտեղ, որտեղ կան հայեր: Առաջիկայում նախատեսում է ընդլայնել ծառայությունները դեպի եվրոպական և ասիական երկրներ: Նոր գործընկերային պայմանագրոր կստորագրի Հայաստանի և արտասահմանյան մի շարք բանկերի հետ նպատակով`լինել հասանելի յուրաքանչյուր հայի համար, որտեղ էլ նա լինի:
Հիշեցնենք, որ ընկերությունը հիմնադրվել է Լաս Վեգասում, Նևադայում 2006 թվականին, այնուհետև՝ 2010 թվականին, գործունեությունն ընդլայնել է դեպի Կալիֆոռնիա:
