Ֆլորիդա – Վաշինգթոն շրջանի շերիֆի գրասենյակի փոխանցմամբ՝ Դուգլաս Ֆերի ճանապարհի վրայով անցնող մի քաղաքացի զանգահարել է արտակարգ իրավիճակների կենտրոն՝ հայտնելով, որ գտել է մի կին, ով ենթարկվել է դաժան հարձակման։
Դեպքը տեղի է ունեցել երկուշաբթի՝ երեկոյան ժամը 17:20-ի սահմաններում։ Զանգահարողը նշել է, որ կինը ծանր ծեծի է ենթարկվել և բժշկական շտապ օգնության կարիք ունի։
Երբ շտապ օգնության ծառայությունները և իրավապահ մարմինները ժամանել են դեպքի վայր, պարզել են, որ կինը դեռ ձեռնաշղթայված է, իսկ վզին՝ սոսնձող ժապավեն։
Ըստ տուժածի՝ իրեն հարձակման է ենթարկել Դեյվիդ Էրլ Գիպսոնը՝ 40 տարեկան, բնակվում է Քարիւիլ քաղաքում։ Նա ներկայացել է տուժածի տուն և ասել, թե նրա ամուսինը և քենին գողություն են արել և իրեն պարտք ունեն։ Այնուհետև սկսել է վերցնել տան իրերը, ապա գցել տուժածին գետնին, ձեռնաշղթայել և հանել նրա հագուստը։
Տուժածը հայտնել է, որ այդ պահին Գիպսոնը հարձակվել է նաև իր սկեսրոջ վրա։ Նա բազմիցս հարվածել է սկեսրոջը գլխին։ Վերջին անգամ, երբ տուժածը տեսել է նրան, նրա աչքերը փակվել էին հարվածներից, իսկ դեմքը՝ ամբողջությամբ արյան մեջ։
Այնուհետև Գիպսոնը տուժածին դուրս է քաշել տնից, նստեցրել սկեսրոջ մեքենան, սոսնձող ժապավենով փաթաթել բերանը և տեղափոխել իր տուն։ Այնտեղ, ըստ տուժածի, Գիպսոնը նրան ենթարկել է սեռական բռնության և սպառնացել սպանել։
Դրանից հետո, ըստ շերիֆի գրասենյակի, նա կնոջը տարել է իր բակում գտնվող խրճիթ և տեղավորել մեծ պահեստային տարայի մեջ։ Հարձակումը, ըստ նախնական տվյալների, շարունակվել է ողջ գիշեր։
Շերիֆ Քևին Կրյուզը մամուլի ասուլիսում նշել է.
«Նա ամբողջովին մերկ էր, դեռ ձեռնաշղթայված, բերանը՝ փաթաթված ժապավենով։ Գիպսոնը պարան է կապել նրա վզին ու ոտքերը հարմարեցրել էր այնպես, կարծես խոզ են կապում տեղափոխելու համար։ Կինը ասել է, որ շատ է տաքացել և մտածել է՝ կխեղդվի ու կմահանա»։
Մի քանի ժամ անց տուժածին հաջողվել է ազատել ոտքերը, քանդել փայտե և այլ բեկորները, որոնք տեղադրված էին պահեստի վրա։ Նա փախել է խրճիթից ու սկսել վազել։
«Մի պահ նա պատմել է, որ ծառի միջոցով հեռացրել է բերանի ժապավենը։ Ձեռնաշղթաները դեռ եղել են, բայց նա կարողացել է հասնել ճանապարհին, որտեղ անցնող վարորդը նկատել է նրան, կանգնել, վերցրել ու անհապաղ զանգահարել 911», — նշել է շերիֆ Կրյուզը։
Դեյվիդ Էրլ Գիպսոնը ձերբակալվել է և այժմ կկանգնի դատարանի առաջ բազմաթիվ հոդվածներով՝ ներառյալ սեռական բռնություն, մարդու առևանգում, խոշտանգում և սպանության սպառնալիք։
Աղբյուրը՝ FOX11
