Ադրբեջանի նախագահ Իլհամ Ալիևը ադրբեջանական հեռուստաընկերության եթերում Զանգեզուրի միջանցքի մասին հերթական հայտարարությունն է արել.
«Եթե Հայաստանը չուզենա Զանգեզուրի միջանցք ստեղծել, մենք դա կանենք ուժով». Ալիև
«Զանգեզուրի միջանցքի ստեղծումը լիովին համապատասխանում է մեր ազգային, պատմական և ապագա շահերին: Մենք կիրագործենք Զանգեզուրի միջանցքի ստեղծման խնդիրը՝ ուզում է դա Հայաստանը, թե ոչ։ Եթե Հայաստանը ցանկանա, այն կարող ենք հեշտությամբ անել, եթե չցանկանա՝ մենք դա կանենք ուժով։
Ես ասել եմ պատերազմից առաջ և պատերազմի ընթացքում, որ նրանք իրենց կամքով պետք է դուրս գան մեր հողերից, հակառակ դեպքում մենք նրանց դուրս կշպրտենք: Եվ այդպես էլ եղավ: Նույնը կլինի նաև Զանգեզուրի միջանցքի հարցում»:
