Թրամփը մերժել է բանակցությունների վերսկսման Իրանի պայմանը

ԱՄՆ նախագահ Դոնալդ Թրամփը մերժել է բանակցությունների վերսկսման Իրանի պայմանը՝ նշելով, որ պատժամիջոցների չեղարկում չի լինի, ria.ru-ն։

«Նրանք բանակացություններ են ցանկանում։ Նրանք ցանկանում են գործարքի հասնել»,- լրագրողներին ասել է Թրամփը:

Սպիտակ տան ղեկավարը հավելել է նաև, որ «Իրանը հսկայական ներուժ ունի» և վերստին կրկնել է, որ ԱՄՆ-ն «չի ձգտում ռեժիմի փոփոխության»:

«Ես շնորհակալ եմ Ֆրանսիայի նախագահ Էմանուել Մակրոնին իր ներգրավվածության համար, բայց մենք նախագահ Մակրոնի միջոցով չենք գործում։ Մենք կարող ենք մեր խնդիրները անմիջականորեն լուծել»,- ասել է Սպիտակ տան ղեկավարը։

Պատասխանելով լրագրողի այն հարցին, թե ինչպես է նա գնահատում ԱՄՆ-ի՝ բանակցություններ սկսելու համար միջուկային գործարքին վերադառնալու Իրանի պահանջը՝ Թրամփը հայտնել է, որ իրանցիները իրականում ակնարկում են պատժամիջոցների չեղարկումը։

«Նրանք այդպիսի հայտարարություններով են հանդես գալիս (առ այն, որ բանակցություններ չեն սկսի ԱՄՆ-ի հետ -Tert.am), որպեսզի մենք մի շարք զիջումների գնանք, այդ թվում՝ պատժամիջոցների վերացման։ Բայց այդպիսի բան տեղի չի ունենա»- հայտնել է նախագահը։

Tert.am