Չինաստանի ղեկավար Սի Ցզինփինի՝ Ռուսաստան կատարած եռօրյա այցի շրջանակում հանրությանն է ներկայացվել Պեկինից Մոսկվա բերված հսկա պանդաների զույգը։ Կենդանիները բնակվում են Ռուսաստանի Դաշնության մայրաքաղաքի կենդանաբանական այգում: Նրանք այնտեղ են ուղարկվել 15-ամյա պահպանման համատեղ ծրագրի շրջանակներում։
Ինչպես նշում է Daily Mail-ը, Սի Ցզինպինն իր ռուս պաշտոնակից Վլադիմիր Պուտինի հետ երեկ այցելել է կենդանիներին։
Ռու Յի անունով արու պանդան 2 տարեկան է, Դին Դին անունով էգը՝ 1 տարեկան։ Պուտինը շնորհակալություն է հայտնել Չինաստանի ղեկավարին կենդանիների համար։ Նրա խոսքով՝ դա Ռուսաստանի նկատմամբ հարգանքի և վստահության նշան է։
Կենդանիները Մոսկվայի կենդանաբանական այգի են տեղափոխվել այս տարվա ապրիլի վերջին, սակայն հանրությանը ներկայացվել են միայն երեկ։
Հայտնի է, որ նախկինում Չինաստանը նախկին Խորհրդային Միություն 2 արու պանդա է ուղարկել՝ 1957 և 1959 թվականներին։
Նախորդ հաղորդումների համաձայն՝ Չինաստանից մեկ պանդայի «վարձակալության» արժեքը տարեկան 1 մլն դոլար է կազմում։
