Միացյալ Նահանգների նախագահ Դոնալդ Թրամփը կնոջ՝ Մելանյա Թրամփի ուղեկցությամբ պետական այցով մեկնել է Մեծ Բրիտանիա, հայտնում է Daily Mail-ը՝ մանրամասնելով, որ նախագահի կարգավիճակում սա Թրամփի երկրորդ այցն է Միացյալ Թագավորություն:
Պարբերականը նկատում է, որ բարձր ճաշակով աչքի ընկնող Մելանյա Թրամփը, դրսևորելով իրեն բնորոշ նրբանկատություն, հատուկ այս այցի համար ընտրել է թեմատիկ զգեստ՝ հավանաբար ցանկանալով գոհացնել բրիտանացիներին:
Քառասունիննամյա նախկին մոդելը կրել է Gucci բրենդի 4400 դոլար արժողությամբ զգեստ, որի վրա պատկերված են Մեծ Բրիտանիայի մայրաքաղաք Լոնդոնի տեսարժան վայրերը, այդ թվում՝ Բիգ Բենը, Թաուեր Բրիջը, երկհարկանի ավտոբուսները:
Առաջին տիկինն իր կերպարն ամբողջացրել է էլեգանտ բարձրակրունկներով:
Պարբերականը նկատում է, որ քաղաքական այցերի ժամանակ Մելանյա Թրամփը հագուստի հարցում միշտ գրագետ ընտրություն է կատարում՝ յուրովի հարգանքի տուրք մատուցելով այն երկրին, որտեղ գտնվում է: